fi

嘉寶漢堡✕茶芝味|良心手搖茶飲、漢堡聯手進駐旺角

「夠鐘食晏,買個漢堡包再加杯手搖就啱晒啦!但係得一個鐘邊夠時間行咁遠呀!」定啲嚟,因為備受熱捧的漢堡店「嘉寶漢堡」和來自葵廣嘅茶飲店「茶芝味」最近聯手在旺角廣華街開店,一間舖頭有齊兩大人氣美食,漢堡包餐轉配手搖飲品更有優惠,食多少少銀包都冇咁大負擔。

店內單叫最平的香蔥漢堡$38起,如果加$16跟餐就可以有一份小食以及一杯汽水,轉配茶芝味的手搖則可按原價減$8。不過一場來到不妨試些特別口味,例如坊間少見的孜然香辣羊堡,羊肉不羶也不柴,加上孜然粉超惹味。如果想吃得清淡一點,亦可在漢堡包中加配大啡菇,中和一下辣味。



另外,記者特別推介小食粟米片炸雞,即使放了半小時仍然香脆,加埋酸酸甜甜的蜜糖芥末醬更開胃。至於茶芝味耍家的芝士奶蓋來到旺角店仍然保持水凖,其中芝士芒果沙冰的濃厚奶蓋配上清爽沙冰,解膩過後又可以再戰!「新舖新豬肉」,大家呢幾日lunch就去搶食頭啖包啦!

旺角,旺角美食,茶芝味,嘉寶漢堡,粟米片雞塊
香脆粟米片雞塊 $22/6塊
旺角,旺角美食,茶芝味,嘉寶漢堡,孜然香辣羊堡
孜然香辣羊堡 $44
旺角,旺角美食,茶芝味,嘉寶漢堡,薯條
薯條 $15(單點)
旺角,旺角美食,茶芝味,嘉寶漢堡,芝士芒果沙冰,芝士奶蓋
芝士芒果沙冰 $34/中杯

【嘉寶漢堡茶芝味】

地址:旺角廣華街1號仁安大廈地下22號舖
營業時間:12nn – 10pm
FB:嘉寶小食茶芝味
IG:@kabo.burger@cheesetea_gfhk