EasyWine醉貓feature

引入黃絲帶氣酒|加泰隆尼亞與香港的We Connect

黃絲帶🎗,代表著我們對自由、普選的追求。走出香港,黃絲帶在美國、愛沙尼亞、意大利、西班牙等地,都是自由意志的精神符號。

最近網上熱賣的一支Cava氣酒,白色瓶身,Label上印有黃絲帶,下面襯著FREEDOM字樣,讓大家都以為是香港特別版包裝,其實這個算是第二版,包裝和初代無甚分別,背後,還多了個「We Connect」的故事。

文:黎明絲
圖:黎明絲、Easy Wine醉貓

那年夏天,在西班牙遇見黃絲帶氣酒

2019年那個夏天,葡萄酒網店Easy Wine的品酒師Keith在西班牙一個小鎮的酒舖,一眼就被這支Freedom吸引住。「一望到就想將這支酒引入香港!但奇怪的是,酒瓶上得黃絲帶、Freedom字眼和一面加泰隆尼亞旗,酒莊資料一粒字都無提。」Keith經過一輪查找,花了3個月終於聯絡到這家位於加泰隆尼亞地區的酒莊莊主。

原來酒莊在2017年,為紀念西班牙加泰隆尼亞進行的那場風風火火獨立公投,酒莊特別為原有的Cava製作特別酒標,純紀念性質,希望日後有人見到酒標,就回想起對自由的追求。

Freedom CAVA香港版印有香港加油標誌,比初代的只簡單貼上黃絲帶貼紙,包裝更細緻。

Keith正好就是這支Freedom的目標受眾:「我見到Freedom嗰日,正是周同學離開我們的日子,瞬間有種『We Connect』感覺。」We Connect威力,果真無遠弗屆,及後Keith成功與酒莊磋商,提出把Freedom Cava引入香港市場,一直有留意香港事態發展的西班牙莊主也樂於接受這次相遇,一口答應合作,還答應推出香港新版。

「這支酒在西班牙產量不多、知名度不算高,純為莊主表達政見的『紀念酒』,居然被我遇上,加上佢覺得香港與當地處境有些少相似,佢都覺得成件事好We Connect。」當Keith提出為新版加上「香港加油」標誌時,莊主舉腳贊成,同時同意在酒標保留加泰隆尼亞旗 ,以示Stand with Hong Kong。

Keith講起葡萄酒,一副專家口脗,但一對住老闆兼代言人「醉貓」加菲,立即變臉兼講BB話:「唔影我,都要影佢,佢係老闆兼代言貓,加菲係咪好靚仔啊?」
「女攝影師影佢,佢會乖啲嘅。」領養回來的靚仔醉貓「加菲」,曾是領養中心的明星貓,不怕生寶,乖乖讓記者拍照。

首批旋即售罄 望人人飲得杯落

Freedom來到香港,甫推出便極速售罄,Keith直言他與西班牙莊主也始料不及,對於能給香港人送上一點鼓勵,西班牙莊主直言覺得今次合作很有意義。至於Keith,除了銷情好、可以把Freedom的部份收益捐給台灣保護傘,今次也是他首次同阿布泰合作,推動黃色經濟圈,真正「飲得杯落」!呢幾日頻頻被客人追問何時返貨,Keith坦然亦感到不好意思:「咁快賣晒真係好感動!同時唔好意思,無預過反應咁好,第一批做得1,200支,應該會有第二批!西班牙現在放緊暑假,一同酒莊傾好,就會facebook再update大家!」

至於這支Cava,應該什麼時候開最好?「Cava被譽為『西班牙的香檳』,梗係值得高興時開啦!」與法國香檳及意大利Proseco並稱三大氣酒的西班牙Cava,同香檳一樣,選用當地的萄葡釀造,論氣泡,或許不如香檳般優雅及細緻,味道亦不及香檳般重餅乾味,但Keith卻愛Cava那種天然的果味和花香。「這支Freedom Cava仲帶少少檸檬同餅乾味,配鹹香西班牙火腿iberico就最啱。」Keith提醒,Freedom屬無年份Cava,一出廠已經適合飲,唔建議放太耐。

Freedom一出極速售罄,Keith頻頻被客人追問何時返貨。「應該會有第二批!」

私釀Hong Kong葡萄酒

除了令Freedom Cava著陸香港,店內另一支名為「Hong Kong」的紅酒,更是Keith的心血之作,由揀提子、釀造、命名甚至製作酒標都親自監督,不過,它是非賣品。「我由2013年開始釀Hong Kong,一來自己鍾意葡萄酒,另外也想做個紀錄。」不同年份的Hong Kong酒標,都是Keith的大事記:2013年印著釀製Hong Kong的葡萄園照片、2014年是雨傘、2015年則是他的外甥出世⋯⋯「唔少客人問有無得賣,抱歉此酒每年只釀一桶作私人珍藏,早前曾拿十支出來義賣,至於日後會否再賣,就要睇緣份喇!」

「在法國葡萄園揀提子釀酒」這些機會,有錢都未必買到吧?「十多年前我在法國波爾多修讀葡萄酒碩士,認識了老死Julien,他是Château Haut-Grelot酒莊第三代傳人,故此有機會去佢個葡萄園『玩』。」學到知識,賺到友誼,Keith也順理成章做起紅酒事業來,尤其波爾多的高級靚酒、古酒,統統涉獵。做得專,但老實說,卻予人有點「離地」的感覺,Keith耍手擰頭:「其實靚酒不一定貴,好多細酒莊都會出靚酒,價錢好合理的!」Keith一直抱持這個理念,直至認識了賢內助Nicole,領養了「醉貓」加菲,成就了Easy Wine醉貓這間貼地葡萄酒網店。

不作公開發售的「Hong Kong」,2013、2014及2015年的紅酒Label成了Keith的記事載體。
Hong Kong的提子全由Keith親自揀選,為了釀出好酒,他逐串睇逐抽揀,由朝七揀到晚六,腰也酸了。

醉貓小編Nicole坦然:「我只是個普通OL,唔係好識酒,有時只想食飯開支酒,但求價錢啱,又配到食物就OK,唔通次次站在超級市場的葡萄酒貨架前,幾百支逐支問咩!」記者也試過類似的心情:入到葡萄酒專賣店,不懂如何入手,聽過職員介紹,縱使價錢不合意,亦不好意思不幫襯。Easy Wine為貼近大眾市場,酒款近百,百零二百蚊也有多種選擇,每支酒除附有酒莊背景、葡萄、風土、食物配搭等介紹,而且任選三支即可免運費,不用每次買一箱,蝸居人士最啱!

Keith亦組合了多套「列級莊Set」,列級酒莊是波爾多釀酒區法定最頂級的一百個酒莊,好酒之徒均視之為靚酒指標,尤其波爾多左岸的列級莊最受追捧。「列級酒莊的葡萄酒,市面動輒千元,我將不同年份或特式的紅酒組合成套裝,平貴都有,三支列級酒莊13-15年出品才賣1,500元,平均500多元批發價左右就可以品嘗美酒。」

Keith在法國讀葡萄酒MBA,曾在瑞士實習,及後做了十多年法國葡萄酒業務,人脈加上經驗,店內有不少古酒存貨。
1970年的心心酒莊Calon-Segur古酒,店內仍珍藏著。
正牌列級莊131415精選組合 $1,580
外面單支售價過千,現在三支組合平均每支約500元,抵!
Chateau Haut Segottes 2014 $158起
Chateau Haut Segottes屬波爾多右岸列級莊,出面賣二、三百元,這裡百多元就有!

【Easy Wine醉貓】
電話:6882 7036
網址:easywinehk.com
FB:facebook.com/easywinehk