荔枝角｜番茄師兄進駐D2 Place 日用九十斤番茄加牛骨熬濃湯新店獨家「泰黃」咖喱沾麵

餐飲寒冬，大環境下，小店能夠生存已屬萬幸。手執三店還決定擴張再開分店的，稱之為勇士也不過分吧。說的是剛進駐荔枝角D2 place商場的「番茄師兄」，店主Matthew有前三店經驗，明白經濟再差，打工仔都但求食個靚lunch，因此特意選了辦公室集中地荔枝角，穩中求存。

文、圖： CC

番茄師兄,D2Place,荔枝角美食,番茄濃湯,咖喱沾麵,雞子 — 新店光猛闊落，lunch time日日爆場。

五年前第一間店餐牌只得五道菜

自2018年在深水埗開第一間店，Matthew離開了銀行業的comfort zone，由在自家廚房煮幾味給朋友品嚐，到開一間餐牌上只得五道菜的小餐廳，再後來先後於元朗，灣仔及現時荔枝角開舖，他回顧時也笑言「諗返轉頭，原來自己當時都幾好彩，過完一關又一關。」19年至今香港經歷的風雨，在此不贅。做生意，看的是當下和將來，「咁當然唔止我啦，而家香港間間餐廳都難做，尤其係地舖，幾年前完全唔係咁，今次選擇入商場都係實際考慮為多。」

保持初心做有服務質素的小店

選址有變，餐牌也由當初五款食物，發展至今有飯有麵有菜底，有牛有雞有豬有魚，有湯有炸有焗，連沾麵都有。「捱」得過這四年，說是運氣，也太自謙，特別是當今最為港人垢病的港式餐廳服務質素，Matthew看得很重：「我唔想自己餐廳定位係茶餐廳或者冰室，咁講絕對無貶低茶餐廳之意，只係我希望自己餐廳盡量係有服務提供，而茶餐廳一向俾人印象就係唔會有service。當然我唔能夠全天候確保呢樣嘢，始終都要靠前線同事，但我初心絕對係想做有服務質素嘅小店。」

新店獨家「泰黃」咖喱沾麵

說實在，真正留住客人的，始終是食物。荔枝角新店當然有王牌番茄湯膽，單是一間舖，每日就要用上九十斤番茄之多。牛骨湯指定用騸牯牛骨，取其鮮味夠濃。湯底要分兩日熬製，第一日先把牛筒骨，牛頸骨熬七至八小時，撈起，第二日再加番茄及其他蔬菜，打爛，隔渣後成橙橙紅紅的番茄濃湯。知道熟客愛新鮮，新店又增添一款「泰黃」咖哩，咖哩料試足兩個月才合心水，「一係就唔夠香，一係就太辣而唔香。」最終現時所用的款式，香味夠而辣得輕柔。另推介一款「咖哩湯沾麵」，沾麵汁濃稠適中，加了蔥花及大蔥。粗身麵條滾熱上枱，沾少少咖哩汁已經夠惹味。幾款牛肉配料中推介牛筋肉，原來是和本地平靚正扒房Top Blade Steak Lab合作，由他們提供半筋半肉的牛，醃得入味軟淋，入口有點像吃咖哩牛腩，但就更爽彈。

無心插柳雞子成為招牌小食

值得一提的是半年前新加入餐牌的雞子，確是同類型餐廳中非常罕見。雞子作小食售賣，一碟六粒，以自製的麻香瑞士汁像滷水一樣滷煮十多分鐘，推出近半年，反應比想像中好，「出乎意料地，鍾意食雞子嘅，以女士為多。」 Matthew想不到當初無心插柳，只為貪好玩而加在餐牌的雞子，現已成為餐廳特色小食。或者就如這時勢開餐廳一樣，根本不能計算太多，只能在自己控制範圍內盡做吧！