美食當前一於食咗先算！cafe店林立的大坑，最近又新開一間美式早餐店 Fatties Diner，店舖細細但座位闊落，走美式懷舊格調，食物方面主打美式早餐類，有班㦸、牛角包窩夫、芝士通心粉及奶昔等。
圖、文：陳粒
班㦸有鹹有甜，店員推介懷舊美式班㦸，即叫即製，上菜時還冒着煙，兩塊班㦸夾着煙肉及炒蛋，面頭是半熟太陽蛋，班㦸濕潤厚實富蛋香、煙肉脆口但不乾身，配以海鹽焦糖醬，又鹹又甜出奇地夾，早餐來說份量較多，賣相相當吸引！
至於甜食班㦸試了巧克力班㦸配焦糖香蕉，班㦸是朱古力味，配以兩條焦糖香焦及爆谷，面頭是大量忌廉，望落邪惡但入口輕盈。
美式早餐店走唔甩一定有奶昔，記者就分別試過香蕉朱古力奶昔及LOTUS焦糖餅乾奶昔，奶昔造型隨機，分別是粉紅色及粉藍色的入口即溶棉花糖，倒轉的甜筒及焦糖爆谷，賣相IG-able！兩杯奶昔不會過甜，如覺得太膩可以選擇咖啡或茶，減低體重負擔。
LOTUS焦糖餅乾奶昔（$79） 
香蕉朱古力奶昔（$79）
創辦人之一表示曾在紐約的班㦸店工作，對於美式早餐有深入研究和經驗，除了經典口味外，將來亦會推出更多創新款式，滿足一班鍾意試新嘢嘅港人。現時有泰式芒果糯米飯班㦸，配搭及賣相已很吸引，味道如何就等大家親身一試啦！
【Fatties Diner】
地址：大坑京街22號地下
營業時間：10am – 6pm
FB：Fatties Diner
IG：@fattiesdiner
