前傳媒人阿政在蘋果停刊後，改換跑道創業、以加盟形式開設和順記荃灣分店，主打巨型生炸雞髀，又接連推出豬扒西多士、手打雞肉餅等多款創意菜式。開業以來堅守與其他分店迥異的理念，廣受真・香港人歡迎。最近，AndThen記者收到獨家消息，表示荃灣和順記班底最近已頂手天后加盟店業務，港島區終於多返間值得幫襯嘅「良心和順記」啦。

文：Layne
圖：相關店舖提供

老闆阿政透露，新分店將一改荃灣店的「極邪惡」風格，加入沙嗲牛肉包（$38）、瑞士雞翼（$25）、米粉齋春卷（$30）及胡麻醬沙律菜（$30）等多款輕食，讓客人多個「無邪新選擇」。

他亦嘆道，營運天后新店實為無奈之舉，「一段時間前才剛決定（頂手天后店），就遇上這個月荃灣店生意變差，但係洗濕咗個頭，唯有繼續去做。」逆市開分店，又怎會不怕一闊三大，阿政唯有派出賢內助出馬，由其太太親自坐鎮新店。各位真‧香港人記得認住荃灣、天后兩間和順記、瞓身懲罰，始終良心出品唔係間間都有，小店能否抵禦「寒冬」，就睇你我肯唔肯力撐。

【和順記天后店】

營業時間：11:30am- 10pm
地址：天后電氣道39號
Facebook：和順記-荃灣雞脾王
Instagram：@chickenleg_master