4間飯後糖水甜品店推介｜懷舊經典，創意甜點，總有一款啱你心水！

自從糖水專門店「許留山」撤出香港後，間中都會掛住多芒小丸子、楊枝甘露及咖哩三寶。好消息是，近年香港新開了不少特色糖水甜品店，無論是傳統口味還是創意甜點，都能滿足你的味蕾。以下就為大家介紹4間糖水甜品店，部分店舖更開到凌晨12點，啱晒同三五知己坐多陣～

① 上環Soon｜日系裝修港式糖水

近月（4月1日）新開業的「Soon」，以日式木系風格裝潢，乍看之下還以為是飲咖啡、食pancake，實際上卻是一家主打懷舊糖水的專門店，更標榜「冷熱同價」。糖水款式由傳統紅豆沙、擂沙湯丸，到經典的楊枝甘露、焦糖蛋白燉鮮奶都有，甚至還能找到許留山令人懷念的咖哩三寶！小店還提供蒜蓉雞翼尖等港式小吃，口味地道，選擇多樣。

【Soon】

地址：上環樂古道27號華秦國際大廈地下G2號舖
營業時間：12nn – 11pm（星期一至日）
Instagram：soon.dessert

② 深水埗愛文生｜鑊氣小炒追加甜品

紮根於深水埗的「愛文生」港式大排檔，今年已踏入70年，其招牌菜鐵板黑椒豬手、黑椒薯仔牛柳粒、招牌黃金蝦等鑊氣十足！近期愛文生有新搞作，在原店相鄰舖位開設甜品店「Oi Sweet Dessert」，率先推出5款特色甜品，包括開心果雪糕龍鬚糖、棉花蛋白杏仁茶、話梅冰糖葫蘆、香蕉曲奇焗西米布甸，仲有海鹽白芝麻軟雪糕。睇得出甜品擺盤都花足心思，特別是成個煲仔上的焗西米布甸，賣相吸引，相信會成為打卡之選。

（左）海鹽白芝麻軟雪糕（$35）、（中）棉花蛋白杏仁茶（$45）、（右）話梅冰糖葫蘆（$40）

雖然甜品店堂食座位不多，但與愛文生大排檔店舖相連，店家更表示：「食完啲鹹既再食啲甜既，啱晒！」大家不妨食完鑊氣小炒加單食埋甜品～

【Oi Sweet Dessert by Oi Man Sang】

地址：深水埗荔枝角道225-227號
時間：1:15pm – 11:15pm
Instagram：oi.sweetdessert

③ 旺角小窩庭｜開心果系列甜品

前身是在旺角煙廠街開業10年的Ocio西餐廳，今年初以全新名字「小窩庭」重新出發。除了保留原有的招牌雪糕窩夫和法式吐司外，店內還供應楊枝甘露、芒果鴛鴦紫糯米等傳統糖水。更特別的是，還提供多款以開心果為主打的甜品，包括開心果法式吐司、開心果炙燒麻糬和開心果糊麻糬。當中的開心果炙燒麻糬更是人氣之選，不僅有滿滿的麻糬，還有豆腐花添！

多芒小丸子（$58）
相片授權 IG @foodie_couple_hk_sm816

開心果炙燒麻糬（$58）
相片授權 IG @foodie_couple_hk_sm816

【小窩庭 The Woo】

地址：旺角煙廠街33號朗廷軒地下B舖
營業時間：12nn – 11pm（星期一至四及星期日）、12nn – 12am（星期五、六）
Instagram：thewoo.house

④ 九龍城一晌｜招牌爆乳雙皮奶

位於九龍城，去年底開業的糖水店「一晌」主打港式糖水、雪花冰及燒賣魚旦等小食，仲有咖啡或茶飲，最平$25就飲到美式咖啡，價錢夠街坊！小店面向南角道，加上是轉角位，環境開揚。裝潢以木系為主，雖然座位不多，但坐得舒適。

糖水款式主要分為一晌招牌、港式糖水、傳統糖水、雪花冰。「爆乳雙皮奶」雙皮奶蛋白味香濃，奶味慢慢滲出，而且口感順滑，值得一試！「椰椰開心果糊」頗有驚喜。糊狀口感偏流質，容易入口。每啖都食到經炒香的開心果碎粒、西米和椰奶凍。整體「唔係太甜」，仲食到啖啖心機，尤其是椰奶凍，店家表示加了鹽製作，讓椰子香氣更突出，同時減低整體甜度。