原來已經立秋，但天氣依然酷熱，即使出動小風扇及各種降溫法寶亦未能真正消暑。要由內到外都涼透心，除了食西瓜，食刨冰都是一個速速消暑好方法！編輯部就為大家精選了9間特色刨冰小店，由港式及日式多款創意搭配，助大家解夏消暑，掃走悶熱感！
文：陳粒
圖：相關店舖提供
① 斑蘭凍椰子冰｜小甜頭
2024年在大圍開業的「小甜頭」，憑藉多款港式糖水及自家製奶蓋沾醬麻糬，迅速成為區內的人氣小店。之後更推出刨冰系列，其中「椰子斑斕冰」尤其受歡迎。今年8月店家宣佈衝出大圍，在旺角開設了新分店。
旺角分店同樣提供6款特色刨冰，包括伯爵茶冰、水蜜桃蘆薈冰、百香果檸檬冰、特濃朱古力冰等（$72 – $78）。當中人氣「椰子斑斕冰」以椰汁作為冰底，內有椰子奶凍與斑蘭凍，冰頂更配有一球斑蘭雪糕。刨冰不僅賣相可愛，不少食客更大讚食到尾的椰子味依然濃郁～
【小甜頭】
大圍店：積存街12號地舖｜營業時間：4pm – 1am
旺角店：登打士街83-87號｜營業時間：2:30pm – 11:30pm
IG：alittletreat.hk
② 牛奶汁無限添加巨型刨冰｜森蔓甜食
今年6月才在新蒲崗開業的「森蔓甜食」，開業不久便以其巨型且足料的刨冰吸引了不少食客專程前往探店。店家的刨冰除了夠大，配料亦頗豐富，包括自家製麻糬丁、榛子千絲脆等特色配料。其中，「芒果椰子冰」是較受歡迎的選擇，以椰奶作為冰底，搭配呂宋芒果肉、柚子、小丸子及麻糬粒，表面再淋上海鹽芝士奶蓋。另一款「黑芝麻冰」則以牛奶作為冰底，配以曲奇脆、榛子千絲脆及麻糬丁等。若覺得不夠味，冰底的牛奶汁更可以無限添加。
圖片授權 IG: @timng16
圖片授權 IG: @timng16
【森蔓甜食】
地址：新蒲崗太子道東638號Mikiki G樓G05B號舖
營業時間：1pm – 11pm
IG：summardessert
③ 老字號大排檔踩入甜品界｜愛文生 Oi Sweet Dessert
紮根於深水埗的「愛文生」港式大排檔，不經不覺已踏入70年，其招牌菜鐵板黑椒豬手、黑椒薯仔牛柳粒、招牌黃金蝦等鑊氣十足！今年4月「愛文生」帶來新搞作，在原店相鄰舖位開設甜品店「Oi Sweet Dessert」，推出了5款特色甜品，包括開心果雪糕龍鬚糖、棉花蛋白杏仁茶、話梅冰糖葫蘆、香蕉曲奇焗西米布甸等，以及夏日消暑新品「椰香脆米芒果雪糕菠蘿冰」。店家強調即使食甜品都要有「米氣」，這款刨冰以菠蘿汁為冰底，加入用椰奶打成的泡沫，再灑上炸脆米，並配搭芒果雪糕及焦糖菠蘿。大家不妨食完鑊氣小炒加單食埋甜品～
【Oi Sweet Dessert by Oi Man Sang】
地址：深水埗荔枝角道225-227號
營業時間：1:15pm – 11:15pm
IG：oi.sweetdessert
④ 和菓子職人刨冰店｜氷燒
2025年於北角開業的「氷燒 ICEYAKI」，店主畢業於日本菓子專門學校，並曾在東京人氣刨冰店工作，累積了豐富的經驗。雖然小店位置隱蔽，藏於小巷內之中，但憑著多款創新口味的刨冰，開業不久便成為排長龍的人氣店。
「氷燒 ICEYAKI」的固定口味包括蜂蜜豆腐、大阪黑芝麻紅豆、紅茶Biscoff、焙茶Oreo（$108 – $148）。另外更會每兩個月推出限定口味，曾推出木瓜奶忌廉芝士、焦糖香蕉花生醬等。正值7、8月的限定口味有「紫薯黑糯米」，而店家也已預告9、10月將推出限定口味「粟米配甜醬油」。
延伸閱讀：赴日獨自升級 和菓子職人｜北角新開日式刨冰、銅鑼燒店
【氷燒ICEYAKI】
地址：北角錦屏街31A號地舖
營業時間：1pm – 10pm
IG：iceyakiz
⑤ 中式糖水瀑布刨冰｜蘇三甜蜜
2025年於銅鑼灣開業的「蘇三甜蜜」，主打中式經典糖水及創新甜品，由傳統陳皮紅豆沙至仙草芋圓都有，還有自家原創「大冰蘇」。店家的刨冰有別於坊間圓碌碌或山型的形狀，而是結合傳統糖水，呈瀑布效果的「大冰蘇」，更設有多款口味，包括「陳皮紅豆蓮子冰蘇」、「港式奶茶冰蘇」、「黑金黑芝麻冰蘇」等，若想試試既熟悉又陌生的味道，店家推介「八珍甜醋冰蘇」，還有最新推出的「海鹽鳳梨冰酥」及「杜拜朱古力冰蘇」。食前記得準備相機拍片，因為拉起冰蘇外圍的膠片，刨冰表面的奶蓋就呈瀑布效果，打卡一流！
【蘇三甜蜜】
地址：銅鑼灣加路連山道15號地舖
營業時間：2pm – 11pm（星期日至四）、2pm – 11:30pm（星期五、六及公眾假期前夕）
IG：susantianmi
⑥ 足料果蓉冰｜研香
人氣糖水店「研香」2022年於尖沙咀開業，短短兩年憑著特製精磨開心果露等五款糖水打響名堂。「研香」版圖不斷擴大，先後於銅鑼灣、寶琳、馬鞍山、青衣開設分店，繼續有元祖系列糖水外，還有鮮果冰系列，幫大家擊退熱暑！口味包括龍眼冰、榴槤冰、芒果冰、士多啤梨冰及蜜瓜冰。各款鮮果冰同樣每一啖都是鮮果打成，冰面還鋪滿果肉，且不含乳製品，包保大家食到尾都唔會淡而無味，冇「肉」入口。
【研香】
地址：
銅鑼灣店：希慎道2-4號蟾宮大廈地下3-7號舖｜營業時間：8am – 12am
尖沙咀店：厚福街7號｜營業時間：1:30pm – 12am（星期一至四），2pm – 12:30am（星期五至日）
將軍澳店：寶琳新都城一期商場地下G28號舖｜營業時間：12pm – 12am
馬鞍山店：新港城中心2樓2332號舖｜營業時間：12pm – 11pm
沙田店：正街2-8號新城市廣場三期1樓A125號舖｜營業時間：11am – 10:30pm青衣店：青敬路31-33號青衣城2 1樓186-187號舖｜營業時間：11am- 11:30pm
IG：grindie.hk
FB：研香 Grindie
⑦ 連皮食燒紫薯冰｜想甜嚐甜
開業11年的「 想甜嚐甜」以其創新多變的自家製乳酪雪糕聞名，除了在堅尼地城設有門市，近年來更以「遊牧式」經營限定店，最近就來到沙田！新店早上11:30就開門，不論早午晚都歎到佢哋嘅招牌乳酪雪糕、港式糖水、心太軟，以及最新推出的刨冰糖水系列。
最新推出的刨冰糖水系列，包括有「雪山芒露」和「桃膠椰露」等。店家強調刨冰並非一般清水製成，而是使用椰奶作為基底，再刨成如雪花般細緻的雪粉狀刨冰。每一啖都充滿椰香，不會愈食愈淡。更特別是，他們將「糖水」元素融入其中，以斑蘭刨冰為例，可選「荔枝果園」為底，再刨上斑蘭味刨冰，食到刨冰之餘，還食到黑糯米、乳酸爆珠、荔枝肉、冰粉等配料。而「雪山芒露」更是一款甜品杯，最上層是椰奶刨冰、下層則是楊枝甘露，爽！想食刨冰糖水呢個新組合，揀選一款心水糖水另加$12刨冰就食到。
【想甜嚐甜】
地址：
西環店：堅尼地城士美菲路15號地舖｜營業時間：3:30pm – 11:30pm
沙田限定店：沙田新城市廣場city’super內｜營業時間：11:30am – 10pm（星期日至四及公眾假期）、11:30am – 11pm（星期五、六及公眾假期前夕）
IG：sweetddhk
FB：想甜嚐甜 Sweet Dreamer Dessert
⑧ 聯乘百年品牌椰子糖刨冰｜甜姨姨
於天后開業10多年的「甜姨姨」以嫩滑香濃豆腐花起家，並製作出多款港式甜品深受大家喜愛，不斷創新的甜姨姨於20年及23年再下一城，分別於銅鑼灣、將軍澳和旺角開設分店，主打年輕人市場，推出多款創新甜品。其中富香港情懷味道的刨冰更是得意之作，大熱口味有奶醬脆多、黑芝麻豆腐及榴槤豆腐花等，而特別聯乘口味就有與百年椰子品牌「甄沾記」推出的焦糖椰子冰，將甄沾記椰子糖敲碎煮成焦糖椰子醬，冰內是椰子雪糕及大量椰子脆片，每一啖都充滿椰子清香，椰子迷必試！近月還推出了「你今日開心果味」，顧名思義就是開心果味刨冰，除了每一啖都有開心果味，還加配了不同開心果製品，包括開心果卷、開心果酥及自家製開心果雪糕等，開心果迷必試！
用上台灣品牌「海邊走走」的花生醬蛋卷，刨冰內餡料是花生芝麻粉，配搭港式煉奶脆多士，是港人熟悉的味道，成為人氣榜首。
刨冰上是豆腐奶蓋及黑芝麻脆餅，刨冰內餡是花生碎及黑芝麻雪糕，如不夠濃味可以再添加黑芝麻醬。
【甜姨姨】
天后店地址：清風街13號地舖｜營業時間：3pm – 12:15am、3pm – 2am（逢公眾假期）
銅鑼灣店地址：銅鑼灣耀華街11號地舖｜營業時間：2pm – 11:30pm
旺角店地址：旺角煙廠街31號地下C號舖｜營業時間：3pm – 12am
將軍澳店地址：龍蟠街3號荷里活廣場1樓177號舖｜營業時間：1pm – 10:15pm
IG：auntiesweethk
⑨ 屯門人氣甜品店｜有料案內所
2019年於屯門虹橋開業的人氣小店「有料案內所」，憑著大大個歌舞技町牌匾和固力果跑人燈牌留下深刻印象。小店主打日式梳乎厘 pancake、麻糬窩夫和奶蓋刨冰。當中富士山系列刨冰有4款味道，包括芒果、士多啤梨藍莓、小丸子紅豆抹茶及Orea朱古力，一層厚厚的奶蓋佈滿在刨冰上，賣相十足堆積了雪的富士山，雪山內有不同口味的雪糕球，食得又睇得，不少網民大讚「有料」！而且營業至凌晨1點半，啱晒一眾夜貓落街食宵夜。
【有料案內所】
屯門店地址：屯門井財街15號金銘大廈地下3號舖
營業時間：4pm – 1:30am（星期一至五)、11am – 1:30am（星期六至日)
IG：sufurewapancakes.tm
FB：有料案內所 Sufurewa pancakes
（已結業）良心食店印尼刨冰｜峇里堂
位於尖沙咀的「峇里堂」前身為「峇里餐廳」，遠於1975年已在香港創業，擁有40多年手工藝印尼菜經驗，但因租約期滿曾暫別飲食界一年多，後來於疫情期間以「峇里堂」新招牌捲土重來！食店一改舊有風格，採用落地大玻璃走年青cafe路線，食物保留傳統印尼菜之餘亦加入不同元素變成新派fusion菜式，希望更加貼近港人口味。消暑甜品方面有印尼傳統「珍多冰」，椰香濃郁的冰底，鋪上自家製珍多綠布丁條、紅豆、大樹菠蘿及椰子雪糕球，再淋上自製椰糖，風味十足！
店舖不吝嗇地公開珍多冰製作過程，冰底淋滿椰漿，配料豐富，相當吸引。
【峇里堂 Bali Town】
地址：尖沙咀彌敦道176號The Nate3樓
營業時間：12nn – 4pm、6pm – 9:45pm（逢星期二休息）
IG：bali_townhk1975
FB：峇里堂 BaliTown
(已結業）一人份杯裝奶蓋綿綿冰｜Sweet Craft
間間刨冰都份量十足，想一個人食可選擇位於黃埔的Sweet Craft，主打杯裝牛奶冰，賣相可愛而且用料講究，選用北海道生乳製成口感綿密細滑的粉雪冰。口味有果蜜白桃、提子乳酪、意啡冧酒及焦糖海鹽等，店舖更會不定時推出期間限定口味。每款牛奶冰上有海鹽奶蓋忌廉堆成的小山丘，並配上不同醬料及配料，綿綿冰比一般刨冰更幼滑更輕盈。
配料有焦糖脆脆、焦糖爆谷及焦糖醬，底層是雞蛋布甸，配搭海鹽奶蓋，鹹度相對柔和。
（圖片來源：IG @baldurgourmet_1120）
配料有紅豆蓉和抹茶麻糬，配上甘香的抹茶醬，牛奶冰和抹茶溶為一體，味道像抹茶拿鐵。
（圖片來源：IG @baldurgourmet_1120）
配料有朱古力脆脆和生朱古力，底層是朱古力，整體朱古力味濃郁不會太甜。
（圖片來源：@craveforfood_hk）
【Sweet Craft】
地址：紅磡黃埔天地百寶坊(第3期)地下G33號舖
營業時間：1pm – 10pm
IG：sweetcrafthkg
FB：Sweet Craft
（已結業）日本焦糖烤布丁版刨冰｜Times Coffee
2024年頭開業的 Times Coffee，隱身於觀塘工廈舖內，由全新班底接手舊址「小時光」。雖然店內同樣走校園風，但食物則以全新形象示人，主打意粉、漢堡、小食拼盤、沙律等。而甜品就憑著精美芭菲及打卡一流的刨冰，吸引不少人慕名而來。刨冰共5款口味，其中的焦糖布甸草莓冰是人氣之選，面層鋪滿士多啤梨、草莓忌廉及餅乾碎，而冰內底部藏有布丁，口感層次豐富。另外，還有近月才推出的焦糖燉蛋刨冰，在刨冰面鋪上焦糖燉蛋醬與砂糖，再用火槍燒至焦香脆口，配上口感綿密的抹茶或焙茶刨冰，絕對有日本便利店大熱的焦糖烤布丁雪糕的風味，值得一試！
【Times Coffee】
地址：觀塘興業街16-18號美興工業大廈A座1樓C1室
營業時間：11:30am – 10pm（逢星期日休息）
IG：timescoffee.hk
（已結業）上環新開日式巨型刨冰｜SoSoSo Kakigori
由港日混血兒主理的刨冰店 SoSoSo Kakigori 於今年4月開業，主打一系列沖繩海鹽芝士奶蓋果味刨冰，採用不含雜質的日本天然水製作刨冰冰底，令刨冰口感更順滑。目前試業階段供應8款口味，包括沖繩金檸、奇異果、白桃、西瓜及芒果等，每款刨冰均淋上由日本直送的果味糖漿及新鮮水果蓉，淋上海鹽芝士奶蓋，淡淡的鹹味令水果甜度更突出，而且份量十足，適合約埋朋友仔一齊品嚐。
果味刨冰以外還有綠茶口味選擇，清新的綠茶配搭煙韌軟糯的白玉，刨冰內是大量紅豆，味道溫和不苦澀，食到最低依然充滿綠茶香，解渴降溫推介！
【SoSoSo Kakigori】
地址：上環荷里活道224-226號地舖
營業時間：12nn – 7pm（逢星期一休息）
IG：sososo_kakigori
