租約將滿經營困難｜荃灣良心眼鏡小店要懲罰

眼鏡對某些人來講可能只是襯衫飾物，但對於有近視、老花等的獄友，就是珍貴的必需品，因為一但破爛就要重新申請，其間就只能「盲中中」，而且獄中只容許戴全塑膠製造的眼鏡，親友幫忙配置都要甚加留神。

良心店,懲罰,眼鏡店,告急,小店,租約期滿,眼鏡基金,獄友,監獄眼鏡,膠框 — 獄友眼鏡款式。

隱藏於荃灣南豐中心的良心眼鏡小店「康明視力中心」，開業5年專注做街坊生意，直至19年時店主焦先生和朋友成立「眼鏡基金」，協助有經濟需要的同路人和獄友們免費配眼鏡，短短一年內，店舖表示已經幫助超過二百人。由20年開始用基金為同路人提供醫藥費資助，又協助無家可歸的年輕人租屋。奈何因疫情而人流減少，苦撐三年後面對租約期滿的困境，店主坦言業務前境並不樂觀。

良心店,懲罰,眼鏡店,告急,小店,租約期滿,眼鏡基金,康明視力中心,標語,貼紙 — 店內可見標語和貼紙。

然而，焦先生就算因熟客移民、市道不景下生意額大減七成，但都想繼續營業，除了報答過往一班前往購買眼鏡並豪言「唔駛找尾數！」的客人，更是為了他堅持至現在的初心。他曾向媒體透露「比自己細嘅都行得更前，自己無理由唔努力。」希望略盡綿力協助經濟能力較弱的同路人。各位懲罰師不捨店主5年的心血付諸流水的話，記得去懲罰一下，店內除了提供獄友必需的膠鏡框，亦有多種其他款式，包括運動迷至啱的台灣製造護目鏡，打波踩單車都啱用，仲有韓迷必備偶像同款造型眼鏡，就算用街坊價買個平光鏡襯下衫一樣抵玩！