今個8月香港吹「韓風」，尤其是尖沙咀更加是吹到正一正。皆因G-DRAGON即將於尖沙咀舉辦世界巡展，同時韓國自助餐「Chef Zone」亦於8月9日正式開業！

「Chef Zone」由一班韓國藉廚師創立，提供逾150款韓食，全場劃分16個美食專區，由醬油海鮮、經典韓食、地道炸物、壽司、甜品等都應有盡有。星期一至五成人價$278起，星期六、日及公眾假期成人價$318起。全場佔地10,000平方呎，提供250個寬敞座位，適合一家大細、三五知己飲飽食醉。在新張期間用餐更可參加抽獎活動，有機會獲得首爾或濟州島來回機票連免費酒店住宿添。即刻帶大家睇睇有咩必食推介！

① 韓國直送醬油海鮮

店家的醬油海鮮由韓國直送，包括鮑魚、蟹和蝦。其中，鮑魚口感爽脆彈牙，可惜整體味道偏淡，鮮味稍有不足。醬油蟹方面，蟹身略顯單薄，也沒有蟹膏。能在自助餐中品嚐到醬油海鮮，也算能過下口癮。另外，還有已剝殼的醬油蝦，以及涼拌八爪魚，作為開胃頭盤也是不錯的選擇。

② 經典韓食

熱食區主打經典韓食，當然唔少得炒粉絲、燉牛肋排及泡菜五花肉。炒粉絲富麻油香，而且粉絲口感不糊口；燉牛肋排肉質頗嫩，夠晒入味；泡菜五花肉口感Q彈，配搭口味較清淡的白泡菜，喜歡傳統韓食的朋友值得一試。

③ 韓國街頭小食

平時睇韓劇都必定會見到辣炒年糕、魚糕串及炸雞等地道小食。當中的辣炒年糕味道偏甜，入口微辣；而甜辣炸雞及香蒜炸雞無骨、粉漿薄脆，雞肉醃得入味，即使放涼了口感仍然香脆。另外，還有多款炸物，包括炸蟹棒、炸紫菜卷、炸年糕等。

④ 韓廚精選推介

這個「Chef Zone Special」專區，設有7款廚師的精選菜式。特別推介奶油蒜香鮑魚，奶油味香，鮑魚口感爽彈。另有烤牛仔骨、一口生菜包五花肉、忌廉蘑菇酥皮湯、烤雞腿等。

⑤ 50款迷你壽司

壽司專區提供多達50種選擇，包括壽司、壽司卷、軍艦壽司及刺身。除了韓式必備的紫菜包飯卷和常見的經典款式外，還有一些創意口味，例如鹹甜交織的芝士蕃薯慕絲卷，值得一試。而且每款壽司都是迷你尺寸，可以盡情品嚐多種口味，也不怕食滯。

⑥ 自製窩夫 米酒任飲

甜品區除了提供經典芝士及朱古力蛋糕外，還有韓國大熱的牛角包窩夫，而且還設有窩夫機，讓大家親手製作熱辣辣又香脆的新鮮口感。另有朱古力火鍋及多種配料，供大家自由搭配。編輯部推介加上一球韓國直送雪糕，口味分別有抹茶及曲奇兩種，窩夫配雪糕再淋上朱古力漿，夠晒邪惡！

飲品則提供橙汁、蘋果汁、汽水、即沖茶包等，亦有自助咖啡機，撳個掣就飲到齋啡、Latte、Cappuccino等口味。如想飲返杯，不妨一試韓國傳統米酒「馬格利」，這裡更提供青提子的特別口味添。

能夠一次過品嚐到多款韓國道地美食，而且$278起任食吃到飽，加上現場勁播k-pop，氣氛一流，不妨約埋老best們食大餐。Chef Zone更推出期間限定抽獎活動， 凡於8月9日至31日內惠顧，就有機會獲得頭獎：首爾或濟州島來回機票連免費酒店住宿，二獎：韓國特別版Stanley不鏽鋼保溫杯等禮品。每位顧客可獲抽獎機會乙次，將填寫個人資料的小卡投放到放置於 Chef Zone 的抽獎箱即可。（詳情請向店家查詢）

【Chef Zone】

地址：尖沙咀加拿芬道20號加拿芬廣場3樓全層
營業時間：11:30am – 11pm
IG：chefzone_hk
電話：26388123
（現在已經開放電話和IG預約訂位）