卓韻芝is back！近月動作多多的芝姐，把舊IG的post刪掉推倒重來，注入中女力量鼓勵大家成為更好的better me；同時她又開多一個新IG戶口，以災難姐姿態宣傳7月的楝篤笑《芝姐災難大全》。現在身處法國修讀短期戲劇的芝姐，在出發前跟我們做訪問時說，這一連串改變都是因為一趟旅行所發生的不幸而起，而那趟差點死去活來的災難，令阿芝頓悟到「好想贏回自己的人生」，而且好想上台同大家講下笑：「我feel到自己ready再上台喇！」

Text: fancare
Photo: StevenWu
Hair Stylist: Marvin@shhh_group
Venue: Little Tai Hang 

災難啫！最緊要人無事

已經開過不少次「One Night Stand」棟篤笑的阿芝，對上一次個人演出要數到2020年在疫情中舉行的《Sound of Silence》，純打開心扉講真心話不搞笑，是一趟走入內心的真誠分享會。事隔4年籌備全新獨腳戲，阿芝說這回好想同大家講下旅行講下笑，分享她經歷過嘅無數災難與妙事，如在巴黎被人打荷包、在比利時遇上醉酒的士司機在公路唔肯停車、在西班牙地鐵車廂被內強搶背包等，然而一次冰島睇火山爆發之旅，最令她的人生像翻車一樣成個人變晒。

「那次冰島之旅，首先由中女大鬧冰川開始，由於天氣真係太凍，但導遊卻是非一般的科學家，他如常講解得眉飛色舞，我哋中女卻一路凍到顫抖，捱完寒冷之後還發生了嚴重的意外，真係差啲死嗰隻，詳細我先不劇透，但我真正經歷晒悲傷五個階段：否認、憤怒、討價還價、沮喪到最後和解，總之就勁驚；最後安全返回Airbnb，事件雖然過咗但仍猶有餘悸，勁驚恐，我拿著罐啤酒坐下，才意識到自己未死得，就突然好想將呢件事同所有人講，打畀朋友逐個講。這就是今次做騷的原點，真係好想講呢件事畀大家聽。」

旅行是短暫的抽離

一講起旅行，阿芝也變成了冰島那位眉飛色舞的科學家，有大量故仔可以分享。她發現每次旅行都是一趟小型人生（mini life），「大部份人去旅行都會設定目標，例如去賞櫻、要攀到海拔四千米、或者去東京買到破產，但過程未必順利，會遇上挫折；如果得唔到櫻花，你會憤怒自責、會覺得失敗很頹，但如果本身唔預設睇櫻花呢？甚至乜都唔預設呢？如果去陽光與海灘旅行，結果落足七日雨，原本期待在沙灘歎杯西瓜汁的預設場景冇咗，你會不斷埋怨繼而浪費了假期？還是在雨中也能發現當地的氣味、雨聲？呢啲旅行中嘅小枝節，其實有很多啟發和教訓。」

升級版熱水L

近月留意卓韻芝的IG，會發現她變了一個進化版的中女，不只飲暖水，更大推健康生活和情緒健康，「以前卓韻芝邊會早瞓？第二朝起到身就是我以前的人生；但係自從去年為電影《送院途中》參加外國影展，三日來回紐約、四天快閃北歐，徹底令我嚴重失眠，失眠到晚上會瞓兩個小時就醒來，然後坐著哭，因為我知道當晚不會睡著；我察覺到失眠影響情緒，愈失眠就愈想吃垃圾食物，然後就好像骨牌一樣一路倒塌，連朋友也察覺到我那陣時突別緊張、固執。」

「我終於想搞好一點自己的生活，不想再糊里糊塗。我唔再笑中女朋友係健康L、vegan L、飲油L，我哋不是要追求極端健康，而是令身體回復平衡；然後我發現情緒和想法同時平衡返晒，我開悟到原來健康係重要嘅，不活喺情緒裡面都係重要嘅，以上就是呢一、兩年卓韻芝最大的變化。」

儲了幾年不同的經歷，身份和status加上心境變咗，今次one woman show阿芝也希望作出更多新嚐試：為了演出她已飛到法國修讀一個月喜劇，又例如今次演出不再自導自演，找來劇場導演合作。「以前的show我會自己寫稿，在電腦面前錄影自己講一次，然後自己翻睇，看看如何修改。今次想找導演一同構思內裡細節，佢打破咗我做楝篤笑以來機械式一步一步建立一個punchline的方法，佢會經常問我點解，你用甚麼心情去說這句話，之後怎麼轉折到下一個心情。這樣以戲劇形式處理楝篤笑，係我從來沒見過的卓韻芝作品。」

「我曾經跟一位歌手討論過，佢覺得最好嘅演唱會唔係當時的主題、宣傳、或服飾如何，而係那一次演唱會自己夠唔夠想走上台去表演畀大家睇。」阿芝說今次自己久未有這種慾望想走上台，在災難中安頓過來之後，覺得自己應該有足夠力量去令大家快樂、去令大家找回生命力。

《芝姐災難大全》Imagine there’s no heaven

日期及時間：2024年7月19-20日 8pm；7月20日 3pm
地點：戲曲中心大劇院
票價：$1888*/ $788/ $588/ $488（*限量【我愛芝姐門票】可獲芝姐現場情深祝福一生平安）
售票網址：POPTICKET （5月27日起公開發售）
更多演出詳情：@cheukwanchi.g