叁拾士多觀塘外賣店「30Fx」｜鑽研港式創意美食：米王及第餃、蘭王蛋沙茶牛撈通

食材店叁拾士多最近進軍飲食界，殺入「觀塘老母」最墟冚嘅開源道在觀塘廣場地下開設全新概念小食店「30Fx」，除咗將本身在食材店熱賣的items推出即食版本，仲研發咗唔少新款又飽肚外賣嘢食，粥粉麵飯全部有齊，附近返工返學嘅隨時都歎到精心設計嘅創意港式美食。

叁拾士多新店門市開源道觀塘廣場香港小食 30Fx 招牌 — 30Fx位於開源道近地鐵站出口，進入「觀塘老母」地段必經。

小食店取名30Fx，除了取自Food Express之外，也有數學formula之意思，店主Kent表示他們開業5年來經常研發新食材，用上市場沒有的formula來炮製港式美食，除滿足嘴刁嘅自己，亦希望令港式食物變得更美味，混搭傳統與新意。

文、圖：siu

叁拾士多新店門市開源道觀塘廣場香港小食 30Fx Kent — 店主Kent從事IT出身，但對食物嘅執著驅使他5年前開設叁拾士多食材店。

真材實料港式小食

小食方面，叁拾士多最熱賣的魚肉燒賣、芫荽燒賣、咖喱魚蛋、碗仔翅應該唔少人食過，配埋自家出品嘅醬汁變成熱辣辣即食掃街美食；不過自問嘴刁的話，推介真材實料嘅蒸牛肉球、炸真龍蝦丸、四寶雞扎等自家製點心：牛肉球用上新鮮騸牯牛的尾龍位和安格斯小牛排製作，牛味突出；至於龍蝦丸更是真材實料有龍蝦成份，唔係街市賣的龍蝦風味丸，爽口鮮味！經典點心四寶雞扎不單有嫩滑雞腿肉、厚冬菇及魚肚，還加上新鮮豬肚，不似坊間點心店將貨就價改用火腿或仿蟹柳，保留最傳統的四寶。

叁拾士多新店門市開源道觀塘廣場香港小食 30Fx 魚肉燒賣Fx 爆茜魚肉燒賣Fx — 魚肉燒賣Fx $15/8粒
爆茜魚肉燒賣Fx $15/6粒
累積總銷量達一億粒嘅鎮店魚肉燒賣，在30Fx特別以荷葉放入蒸籠加熱，配上自家醬油辣醬，風味與屋企自己蒸與別不同。

叁拾士多新店門市開源道觀塘廣場香港小食 30Fx 超神龍蝦丸Fx — **超神龍蝦丸Fx $20/2粒**
用澳洲龍蝦加入墨魚及蝦肉製作，入口味道突出又夠爽口彈牙，絕非一般冇龍蝦味嘅龍蝦丸。

叁拾士多新店門市開源道觀塘廣場香港小食 30Fx 四寶雞扎 — **四寶雞扎 $50/2件**
以最原始正宗古法用腐竹包著雞肉、魚肚、鮮豬肚、冬菇，比不少酒樓及點心店都要正宗，索價50大元不無原因。

補完未能在士多推出的美食創意

主食更是30Fx的重點，Kent表示叁拾士多開業這五年，研發過不少冷藏食物包，但有時候一些想法因為保存期等問題未能夠變成冷藏食品在食材店發售，這些想法儲埋儲埋現在就可於食店中執行，例如皇牌產品「Chok麵」原本只能以無餸無汁版本在店內售賣，有料版本則只能少量製作供訂購，在30Fx Chok麵則變成杯裝撈麵，如加入鵝腸雞腎及慢煮叉燒雞絲，配合泓一拉麵的麵底，打開前先chok刁醬汁才揭蓋享用，將便利店撈麵提升至另一層次！

叁拾士多新店門市開源道觀塘廣場香港小食 30Fx Chok麵 — **鵝腸火雞腎Chok麵 $45/杯**

叁拾士多新店門市開源道觀塘廣場香港小食 30Fx 鵝腸火雞腎Chok麵 — 以珍奶杯盛載的Chok麵，加入爽脆鵝腸、切絲雞腎及秘製醬汁，吃前Chok刁最夠惹味。

喜歡「塘牛」沙嗲牛冷藏包的話，必定要試蘭王蛋拌沙茶碎牛撈米通粉，濃郁嘅沙茶牛肉配上橙紅色嘅蘭王蛋，拌刁來吃超惹味。飯類選擇暫時有兩款：厚切豬扒和滷水雞髀飯均配上即炸蘭王蛋，脆口又濃厚的蛋汁拌飯吃，連埋凍檸茶外賣才$60，是性價比超高嘅飯盒！「粥類」食物亦見創意，由自家發明的米湯底配包裹著豬肉、豬膶及豬肚的「及第餃」變奏而成，配上清香米水湯，確有食粥的感覺。