如果話葵廣係新界街坊嘅「掃街勝地」的話，九龍區代表莫過於旺中，因此它亦往往是葵廣人氣小店擴充業務的最佳選擇。近期，以價錢親民、出品足料的台式手抓餅在葵廣打響名堂的慧食貓正式在旺中插旗，大家行過見肚餓，不妨試試小店的招牌美食：坐擁火腿雞蛋肉鬆、鹹牛肉、蟹柳等多款配搭，即叫即整的平民恩物手抓餅（自選配料每款$4起）。

文：Layne
圖：Layne、受訪者提供

小店名聲在外，記者到訪當然唔少得一試。甫入口便覺熱辣辣的餅皮酥香煙韌，加上手抓餅內餡足料，就算食到餅底都唔怕口寡。除了食物高質之外，小店另一特色便是「全自助找續」與老闆Louis過人的記憶力，大家落單後便可以離開櫃台，到附近逛逛，片刻之後新鮮出爐的手抓餅就會落入你手，最後只需要擺低相應金額於錢兜即可。

Louis表示幾年前就睇中旺中立食區舖位，皆因其營運模式與人流與葵廣相近，但礙於當時未有時間抽身教徒弟，唯有打消念頭，直至近期才下定決心進駐旺中。而採用自助找續，是因為他創業之初行one-man band，為求方便與衛生，乾脆就選擇背單、請客人自行找錢，後來一直沿用至今。旺中一向是學生黨、掃街一族打躉的地方，到底慧食貓能否再創葵廣時期的輝煌，不如大家食住手抓餅等睇好戲。

【慧食貓旺中分店】

地址：旺角彌敦道688號旺角中心一期1樓F85鋪
營業時間：2pm – 9:30pm
電話： 6030 5040
Facebook：慧食貓
Instagram：＠creamybabe1314