何文田街市榮少喇沙︱抵食！雙倍椰奶湯底 + 超腍豬軟骨

秋風起，特別想食碗熱辣辣的湯麵，暖胃又填肚。湯頭紅卜卜帶蝦油的喇沙如何？何文田街市內有間不起眼的小店「榮少喇沙」，零宣傳，欠裝修，單靠街坊口耳相傳也可以打響名堂，吸引附近的上班族定時來此醫肚，其絕活就是加倍椰奶的湯底，別小看這小動作，店主兼大廚榮少解說「喇沙湯底其實無秘密，材料你上網都搵到，最難反而係按香港人口味去調較湯底中的辣度，椰奶，及各種材料的比重，這個步驟花了我很多時間。」

文、圖：Hang

總店在天水圍，開業4年，圖中是何文田分店，主力外賣，座位只得3，4個，一派街坊食堂格局。

按港人口味調節湯底

「榮少」身兼老闆及大廚，學廚之前做過銀行等文職，後來因興趣更換人生航道，由零開始做法國菜，及後輾轉接觸到東南亞菜，一試愛上，跟過馬來西亞廚師學藝：「對喇沙的認識都來自那位師傅，我本身又係麵痴，所以就想研究喇沙的煮法。」再後來，機緣驅使，有機會自立開戶，自然把最擅長最熟悉的菜式端上來做生招牌。打正旗號做喇沙，問榮少，怕不怕被「挑機」？他強調「其實喇沙都有不同風格，他們亦沒有主打正宗不正宗。如果只跟足傳統方法，湯頭會太濃，太辣，重口味，香港人不會喜歡。」

秘製豬軟骨麵 $48(中)。另有小($30)及大($54)，但中等size已經非常大碗。

湯底靠椰奶必食豬軟骨

像開舖初期，他的喇沙湯底用蝦殼去熬煮，卻換來客人「湯底太重味」，「太辣」等的評價，所以當時生意只屬一般。後來他發現「香港人特別鐘意如南薑、香茅、石栗等的香料，辣度要輕柔，不能太刺激。」當中，椰奶至關重要，現時他選了兩款不同的椰奶來增加層次，份量亦大幅提升，每個湯桶加約2分升椰汁。他又以蝦米來取代味道較濃的的蝦殼。結合起來，湯頭椰香突出，湯汁更滑溜，辣得舒服不嗆喉。被參參（米粉加瀨粉）吸了湯汁就更惹味。至於配料，傳統的食材如魚蛋、魚片、豆卜外，最受熟客歡迎的，反而是豬軟骨，榮少笑言無秘密可言：「只要時間煮得夠就一定好食，我哋都係用壓力煲，煲足兩小時，已經夠腍夠入味。」的確，豬軟骨炆至骨肉一咬即開，軟骨部份軟似啫喱狀，又滑又香。

應對疫市出颱風飯

到訪之時，疫情有暫緩之勢，小店總算鬆一口氣。榮少在今年3月時，曾因疫情關門足足一個月，完全零收入，損失不少。「但我哋做街坊生意，影響已經唔算嚴重。」為此餐牌也得變陣：「經濟唔好，$50蚊碗的喇沙街坊可能覺得貴。」臨時推出一款「颱風飯」，即是把雜雜碎碎的材料拼在一起，腸仔、流心蛋、肉燥、煙肉、魚蛋、炸雞塊、再加兩三勺飯，賣$30/碗，不矜貴，但絕對抵食飽肚，也竟然成為了小店最近的熱賣 — 由喇沙湯底，到抗疫飯餐，這種靈活，應變速度，不正正就是那一句久違了的”Be Water”嗎？